Nairobi, (TFG): Safaaradda Soomaaliya ee magaalada Nairobi ee caasimada dalka Kenya, ayaa iska fogeeysay eedeeymaha lagu qoray warbixinta ay soo saareen Guddiga gaarka ah ee Qaramada Midoobay, u qaabilsan la socodka xaaladda Soomaliya.

Ambassador, Maxamed Cali Ameeriko, oo u waramaayay warbaahinta dowladda, ayaa waxba kama jiraan ku tilmaamay eedeeymaha loo soo jeediyay ee ku qornaaaa  warbixinta ay soo saareen Gudiga gaarka ah ee Qaramada Midoobay, u qaabilsan la socodka xaaladdaha Soomaaliya.

Safiirka, ayaa sidoo kale sheegay in shaqada Safaaradu tahay in ay gudbiso codsiyada Mas’uuliyiinta dowladda Soomaaliya, hadii uu codsi Visso yahay iyo hadii kaleba, wuxuuna intaa ku daray in Safaaraddaha wadamada bixinaya Vissaha, ay iyagu leeyihiin go’aanka cida ay siinayaan Vissaha, ayna u banaan tahay in ay diidaan ama bixiyaan,waxna aan laga weeydiineyn Safaaraddooda.

Safiirka, ayaa iska diiday in ay lug ku leeyihiin eedeeynta ku aadan musuq maasuqa iyo Viisooyinka la sheegay in la iibsado, wuxuuna ku celceliyay in ay doonayaan in cadeeymo loo keeno eedeyntaas, oo uu ku tilmaamay in ay tahay mid aan sal iyo raad toona laheyn.

Wasaarada Warfaafinta, Muqdisho