Kambala, (TFG): Magaalada Kambala ee Caasimada dalka Ugandha ayaa lagu wadaa in lagu soo gabagabeeyo shirka Wasiirada arimaha dibada  wadamada Africa, kaasoo ay ka qeyb galeen wafdi uu hor kacayo Wasiirka arimaha dibada dowladda KMG ah ee Soomaaliya.

Kulanka Wasiirada arimaha dibadda ee wadamada  Midowga Africa oo labadii maalin ee la soo dhaafay   uga soconayay magaalada loo dalxiis tago Muyeyoonyo  ee  nawaaxiga Caasimadda dalka Ugandha ee kambala ayaa maanta la filayo in la soo geba gebeeyo .

Shirka oo soo billaawday 22-ki bishan ayaa waxaa ka qayb galalaya inta badan wariirada arimaha dibadda ee wadamada xubanaha ka ah    Midowga Africa.

Wasiirada ayaa shirkooda diiradda ku saaraya arimo ay ugu horrayso ammaanka dalka Soomaaliya iyo kororka kooxaha  argagaxisada    xiriirka la leh ee degenaansho la’aanta ku haya  shacabka ku nool dhamaan gobolka geeska Africa.

Soomalaya ayaa waxaa kulanka u matalayay wafdi uu hoggaaminayo  wasiirka umuuraha dibadda Yuusuf Xasan Ibraahim Yuusuf  Dheg iyo Wasiirka difaaca Abuuker Cabdi Cismaan Mardaadi, kuwaas oo soo bandhigay sida shacabka iyo  dowladda Sooamaliya ay lagama maarmaan ugu tahay in xal soo degdega  loo helo dhibaatada  argagaxisadu ay hurinayso.

Wasaarada Warfaafinta, Muqdisho