Warbixinta waxqabadka Wasaaradda Warfaafinta dowladda KMG ah ee Soomaaliya
Wasaarada waxaa Sanadkii tagay u suuro galay in ay qabato howlo badan oo ay ka mid ahaayeen dib u howlgelinta Radio Muqdisho, Wakaaladda Wararka Soomaaliyeed ee SONNA, Keydka Cajaladaha Radio Muqdisho.
Waxaana si rasmi ah hawada loo geliyay idaacada radio muqdisho 23kii bishii oktoobar oo ay dadku fursad u heleen in ay mar kale dib u dhageystaan FMradio tayo fiican, kaasoo hawada ku jira 18 saac oo xiriir ah, waxaa noo sii raacay tii Wesiteka Dowladda oo isagana ah hanaan cusub oo ku soo kordhay warbaahinta aduunka sanooyinkii ugu danbeeyay oo isagu xariga laga jaray 08 August 2009 iyo web-ka Radio Muqdisho oo isna xariga laga jarey 28-dii bishii nofeembar meel fiican ayay gaareen, wayna hanaan quruxsan yahay labadaasi web, dadka Soomaliyeedna kalsoonidooda ayay siiyeen.
Raadiyaha dowladda waxaan ku soo kordhinay Aalada loo yaqaano Satarlayka in laga dhageysto Radio Muqdisho, oo aan weliba heshiisyo la galno shirkadaha ka shaqeeya Satarlayt-ka tii ugu tayo wanaagsanayd si dadka dibada jooga ay u helaan aalad Satarlayt oo aan daciif aheyn oo ay si toos ah ugala socon karaan Wararka, Barnaamijyada, Wacdiyada kala duwan, Sheekooyinka xiisaha leh, Ciyaaraha, Maaweelada iyo weliba inay ka heli karaan xaalada dhabta ah ee ka jirta dalka, ayagoon isku mashquulin in ay teleefoon kula socdaan ama aalado kale, waxayna heli karaan maalin walba dhacdada ka dhacda Soomaaliya ee dhabta ah, dadka Yurub qeybo ka mid ah joogo iyo dadka Aasiya jooga iyo dadka Afrika ku nool iyo dadka dalka gudihiisa ku nool meelaha magaalada Muqdisho ka baxsan iyo nawaaxigeeda inaan ku gaarsiino habka Satarlaytka oo diishka laga dhageysan karo, Wasaarada howlahaasoo dhan wey u hirgaleen dhanka Raadiyaha.
Dhanka kale taabogelinta iyo isku dubaridka shaqaalihii Wasaaradu laheyd ayaa suuro galay, Raadiyaha kaliya waxaa ka shaqeeya in ka badan boqol shaqaale ah oo Rag iyo Dumar isugu jira, sidoo kale waxaa wax laga qabtay qeybta Keydka oo dhibaatooyin fara badan uu haystay oo ay ugu horeyso xaga hanaanka loo xanaaneeyo Cajaladaha oo jawigoo iska kulul awgiis ay cajaladaha qaarkood dhibaato soo gaartay laakiin hadda xiligaan laga gudbay dhibaatadaasi oo cajaladaha waxaa lagu hayaa jawi wanaagsan oo qabow oo aan dhibaato kale ku gaareyn haba yaraatee, waxaa intaasi dhinac socday dhankii dabka ama korontada oo Wasaaradu arrintaasi dhibaato ku haysay waxaan isku daynay inaan dab ama koronto joogta ah sameyno, inaan qalabka dayactirno oo wixii isku dubaridno.
Xiriirka dibada, iyadana waa hagaajinay, waxaa kaloo inoo suuro galay in aan Bulshada Soomaaliyeed u suuro gelino qaab kasta oo ay Barnaamijyo ay ku taxmi karaan aan sii dayno, taasoo ay dadka dhageysan karaan taasina waan ku guulaysanay, laakiin qorshaha ugu weyn waxaan damacsanahay 2010-ka, kaasoo gaari doona Telefishin haduu Ilaah yiraahdo (Subxaanahu Watacaalaa), kadibna Joornaal in lasoo-saaro oo Madbacada Qaranka dib loo howlgeliyo, Raadiyaha in mowjadda dhexe (SW) lagu daro oo si ay u suuro gasho Miyiga in laga dhageysto, xiriirana lala sameeyo Warbaahinta caalamka, tababaro macno leh, loo sameeyo shaqaalaha iyo Howlwadeenada iyo Xirfadlayaasha Raadiyaha, sidoo kale Televionka aan soo wadno hirgelino mudo dhow.
